Louenge au Seigneur donneray, Psalme XXXIIII (Didier Lupi second)

Music files

L E G E N D

Disclaimer

How to download

ICON	SOURCE
	Pdf
	Midi
	MusicXML
	LilyPond
	File details
	Help

• (Posted 2022-07-08)  CPDL #69909:         

Editor: Andreas Stenberg (submitted 2022-07-08).   Score information: A4, 3 pages, 103 kB   Copyright: CPDL

Edition notes: A semi-diplomatic edition.

General Information

Title: Louenge au Seigneur donneray, Psalme XXXIIII
Composer: Didier Lupi second
Lyricist: Giles Daurigny^{create page}
Number of voices: 4vv   Voicing: SATB
Genre: Sacred, Sacred song

Language: French
Instruments: A cappella

First published: 1549
Description: The seventh song in Didier Lupi Second's "Psalmes Trente du Royal Prophete David ..." printed by G. & M. Beringen 1549. The text is Giles Daurignys verified rendition in French of Psalm XXXIIII, Benedicam Dominum in omni tempore.

Original text and translations

French text

1 Louenge au Seigneur donneray
        En tout temps, soit bon ou contraire:
        Et sa gloire ie canteray
        Incessament, ie le doy faire,
        Puis qu'il est doulx et debonnaire.

2 Mon ame prendra grand plaisir
        A le louer, et grace rendre,
        Esperant que tout à loisir
        Les humbles puissent ioye prendre,
        Quand ilz metront peine à l'entendre.

3 Magnifiez-le auecques moy,
        Gens qui souffrez peine execrable:
        Exaltons ensemble et en foy
        Son nom tressainct, et veritable:
        Car c'est chose bien raisonnable.

4 Or i'ay demandé au Seigneur
        Conseil en mon affaire urgente:
        Respoce a faicte à ma clameur:
        Et de toute craincte il m'exempte,
        Dont le tourment de moy s'absente.

5 Illuminez et resious
        Sont ceulx qui ont en luy fiance:
        Iamais ne seront esblouys
        Par craincte dans leut conscience,
        Il le fault croire et sans doubtance.

6 Celuy qui souffre affliction,
        Et deuers le Seigneur s'addresse,
        Il est en son intention
        Exauce, et mis hors de presse,
        Et deliuré de toute angoisse.

7 Car par le diuin mandement,
        L'ange plante tresgrosse armée,
        Autout de ceulx qui vrayement
        L'ayment d'un amour enflammée,
        Les deliurans d'ire animée.

8 Voyez, esprouuez, et goustez,
        Combien doulce est sa seigneurie,
        Et vous direz de tous costez,
        Qu'heureux est qui en luy se fie,
        Les jours et le temps de sa vie.

9 Fideles donc honneur portez
        Au Seigneur d'un cœur magnanime,
        Et de luy ferez supportez,
        Car iamais il ne desestime
        Celuy qui l'honnore et estime.

10 En la fin les tyrans auront
        La famine, et seront diette:
        Mais ceulx qi crandre le sçauront
        De craincte chaste, pure, et nette,
        N'auront iamais faim, ne disette.

11 Enfans qui desirez sçauoir
        du Seigneur Dieu la craincte vraye,
        Et le reigle qu'il fault auoir,
        Approchez, venez qu'on vous voye.
        Ie vous en monstreray la voye.

12 L'homme de viure curieux,
        Soubbaitant les longues années,
        Qui desire estre tresheureux,
        Et prosperer en ses iournées,
        Au cours de la vie ordonnées:

13 Il fault qu'il deffende en premier
        Sa lague n'estre point mordante,
        A mentir ne soit coustumier,
        et que sa bouche soit ardente,
        D'estre à son cœur correspondente:

14 De mal faire soit repentant,
        Et que par soy, le bien il face,
        Que son prochain il ayme tant,
        Qu'auec luy paix tousiours pourchasse,
        Et qu'il la suyue en toute place.

15 Car les yeulx de Dieu tousiours ont
        Sur les innocens ouuerture,
        Et ses aureilles promtes sont
        A leur priere iuste, et pure,
        En tous temps en grand soing, et cure.

16 Au contrare, il fronce ses yeulx
        Sur les obstinez en malice,
        A fin que la memoire d'eux,
        Et souuenance (par leur vice)
        hors de la terre il abolisse.

17 Mais quand auec gemissemens,
        Et en foy ilz le recognoissent,
        Il les deliure des tourmens,
        Et angoisses, qui en eux croissent:
        Dont iustes à tous apparoissent.

18 Car le Seigneur n'esloigne point
        Les repentans de bon courage:
        Le Seigneur salue tout à poinct
        Les mortifiez par vsage,
        Et les humbles en leur langaige.

19 Plusieurs tourmens sont inuentez
        A ceulx qui suyuent la iustice:
        Mais à la fin sont contentez
        Par le Seigneur doulx et propice,
        Et deliurez de tout supplice.

20 Puis quand ilz ont souffert tourmens,
        Le Seigneur (qui leur bonté prise)
        Garde si bien leurs ossemens,
        Qu'il ne permet par quelque guise,
        Qu'alcun se rompe, ou se desbrise.

21 Mais des meschans la fin et mort
        De malheur et misere pleine:
        Car qui au iuste fait effort,
        Et hayt sa iustice certaine,
        Perira en son crime, et peine.

22 Chantons donc, puis que le Seigneur
        De son seruant deliure l'ame,
        Et ne confond en son malheur
        Celuy, qui de luy se reclame:
        Mais le retire hors de blasme.